Immikkoortoq taanna 1. juuli 2014-mi saqqummersinneqarnikuuvoq.
Kalaallinut Danmarkimiittunut ikiorsiisarneq
Namminersorlutik Oqartussat kalaallinut Danmarkimiittunut ikiorsiisarnermik ingerlatsinissamut pisussaaffilerneqarsimapput. Ikiorsiisarneq taanna Danmarkimi qallunaat najukkani ataasiakkaani oqartussaat suleqatigalugit ingerlanneqarpoq, najukkanilu ataasiakkaani Kalaallit Illui qitiusumillu Ilaqutariinnermut, Kultureqarnermut, Ilageeqarnermut Naligiissitaanermullu Namminersorlutik Oqartussat Københavnimi allaffeqarfiata isumaginninnermut immikkoortortaqarfia aqqutigalugit ingerlanneqartarluni.
Danmarkimi Kalaallit Illui Aalborgimi, Århusimi, Odensemi Københavnimilu inissisimapput. Illut Namminersorlutik Oqartussanit, kommuninillu inissisimaffigisaminnit tapiissuteqarfigineqartarput.
Nittartagaq takuneqarsinnaasoq
Danmarkimi Kalaallit illuinut tunngasut nittartakkami uani paasisassarsiorfigineqarsinnaapput: www.naalakkersuisut.gl